做啲咩令對方永世都記住你?】變做霸道總裁? 野蠻女友?
「做啲咩令對方永世都記住你？」呢個題目係咪好吸引呢？Golden Matching創辦人Yubi黃嘉如同香港交友約會業總會社交力學培訓導師Miracle今次嘅討論，可能令各位單對單約會及Speed Dating客人估唔到，原來方法，其實唔難！ Miracle指好多人會跌落誤區，以為要令人留下深刻印象，係單靠一招，但咁諗實在大錯特錯喇，各位單對單約會及Speed Dating客人要做到嘅係有持續性。唔少人冇特式可言，令人難以記得，人地講唔出對你嘅感覺。其實要俾人有印象，方法比你想像中簡單，首先有整潔外表已經好加分。 內在方面，要令戀愛發生，就係令對方內心泛起漣漪，觸動到對方情感。男士如果有幽默感，已經好令女仔印象深刻。男士切忌企圖心太強，表現得太chur，例如讚得對方太勁、表現太進取，咁樣最後一定失敗，因為你太求賣了。相反，Miracle有招必殺技，就係唔好太理女仔。因為靚女成日俾人圍住，你愈唔理佢，愈會激發對方好奇心。Miracle曾經試過遇到個靚女，普通打下招呼之後就冇再理佢，最後個女仔五年後都仲記得佢。當然啦，前提係你外表要吸引、有正常溝通。 女仔相反，你要俾人感覺唔難，好易相處，呢個係好重要嘅策略。只要你外形好，令男仔覺得唔使太用力同你接觸，已經成功咗一大步，一切可謂係捨難取易。希望今次嘅短片內容，可以幫助到咁多位單對單約會及 Speed Dating 客人啦～
