Speed ​​Dating

  對於品酒，未必個個單對單約會及 Speed Dating 客人都有所認識，所以我地請來國際社交禮儀導師&葡萄酒與烈酒導師Esther教大家如何選擇～ 好多時我地都聽到品酒師同侍酒師，其實兩者分別在於前者著重教育及培訓工作，後者就會幫客人揀酒、開酒同為佢地選擇適合酒去配搭食物。Esther表示，而家好多女仔都識品酒，男士唔好界定女仔一定係鍾意甜酒，其實都好多女仔鍾意烈酒。選擇前，男士可先問女仔喜好，例如有關國家、酒區及葡萄，若果女仔唔識的話，你介紹時可運用旅遊及生活化知識，唔使向佢講太技術性嘅事。 好多時我地見人飲酒前都會先搖杯，其實我地唔使搖太多，搖下聞下就可以，直至酒氣味再冇變化就可放低。不過氣味都要視乎酒靚唔靚，有啲普通的可能根本係冇乜分別。至於香檳，大家千祈唔好搖杯，有時比較複雜同多層次嘅香檳，你可轉用白酒杯飲來散發香味，喺女仔前又可顯示你識野。 食物方面，生蠔一定唔好配紅酒，魚生都一定要配白酒。至於豬牛就配紅酒，後者要選擇較強的，食羊就可選擇有黑椒味嘅紅酒。香檳大家係餐前飲，甜酒係飯後飲。味道方面，紅酒通常帶有紅果同黑果味，白酒就有檸檬、桃或西柚味道。如果大家唔識，其實用抽象形容詞例如好舒服、清新就可以，但大家唔好形容好有酒味，講powerful會較好，相反就形容soft或elegant。

  約會禮儀未必個個單對單約會及Speed Dating客人認識，所以我地請來國際社交禮儀導師&葡萄酒與烈酒導師Esther教大家一啲重要事項，等大家唔會出醜！ 約會開始，男士主動開門同為女士拉椅，都係非常好嘅表現。不過男士都唔好做多，女士外套俾侍應就可以，唔使幫佢拎。點菜方面，西餐大家可以各有各點，食中菜時男士為女士話事則較好。好多時大家都唔會share食物，若果真係食唔哂，美式或意大利式大家可以share，二人主菜都可以，但法式就唔好了～ 食西餐時侍應會一早擺好餐具，某啲單對單約會及 Speed Dating 客人可能因為緊張，會將餐具搬位就自己舒服。不過成件事會令約會對象感覺唔好，而且餐具擺法有原因，英式同法式都唔同，所以大家唔好亂搬位了。進食時大家儘可能食完一個course先去洗手間，飲酒時大家唔好拎杯身，因為手溫會令酒加快變味，大家要留意了。

每個月HK Romance Dating都會為大家介紹單對單約會優質會員，有部分網友睇到後，就覺得這些機會不是屬於我的，唔通大家真係冇機會了? HK Romance Dating所有筍盤故事都係真的，不過當大家聽到醫生及牙醫等真實優質個案時，可能會納悶自己資質平庸、收入唔高又冇乜長處，認為自己冇機會。不過HK Romance Dating創辦人Anita張惠萍話俾大家知，機會係有的，但你一定要提升自己。 Anita喺Speed Dating見過位牛記蒞記男士，佢雖然唔打扮，但就好鍾意model打扮女士，但試問女士又點會睇得佢上眼呢。因此，塑造第一印象真係好緊要，大家要好好裝扮自己。心理學上有樣嘢叫光環效，即係良好第一印象會美化日後印象，例如當見到你對在場Speed Dating參加者有禮時，人地會幻想你對家人好好、工作表現都好好，令佢對你好有好感。 另外，大家要對工作有熱誠、有上進心，以Anita為例，佢自己都進修緊讀心理學碩士，平時就可以同眾多單對單約會及Speed Dating客人分享知識。因此大家要不斷豐富自己，令自己有更多話題。大家亦可喺社交平台俾人見到你有生活品味，對你有更好印象，咁就好易脫單喇！

  我地接觸唔少單對單約會及 Speed Dating 女客人時發現，好多女仔平時好少化妝，甚至成世人都冇化過妝！如果想快啲搵到男朋友，就要學下化妝喇～今次HK Romance Dating創辦人Anita張惠萍會教大家一個百搭又簡單嘅妝容，等大家可以應付唔同約會。 Anita原來有個小秘技，係好膠布營造雙眼皮！大家記得睇片。影片中佢仲好仔細地教大家由底妝開始化到唇裝，各位單對單約會及Speed Dating女客人如果想化得好，記得睇多幾次同練習！ 世上無難事，只怕你太懶！

  每段關係都係從朋友做起，如果你表現得好求賣又或係故作冷漠都係唔好，因為你同朋友都唔會咁架嘛。第一次你可討論下餐廳食物，跟住傾下興趣，唔好俾到壓力對方，又唔好太八掛。例如當你發現大家都鍾意打羽毛球，可以提議下搵日一齊玩。如果你怕醜嘅話，Anita有個Magic Word俾大家，就係「難唔難架？」，例如問「難唔難Book場架？」，對方會繼續講落去，甚至邀約你。 我地又要掌握說話節奏，例如人地話自己鍾意游水，如果你「嗯」咗一陣先再問「仲有冇其他呀？」，俾人好感覺到你要停低思考先再問，唔太自然。如果想自然啲，平時就練習多啲增進技巧。 另外大家要留意身體語言，可以身體向前、多笑容同多讚美點頭，呢個係潛意識，令對方都會做番相同動作，咁就令成個氣氛好愉快。大家要留意唔好變到八字腳，男士又唔好批腮，表現得好啲。各位單對單約會及Speed Dating客人又可以模仿對方姿勢，等一陣就重複對方小動作，從而製造親近感。 最後大家應建構同感，從而拉近距離，你可以為對方說話作一個小總結。而如果對方講咗一啲負面事，你可以先表達同情，再問一啲正面事，例如問對方平時點克服難關，俾對方多啲機會表達內心世界。 時間耐咗，如果你令對方知道你記得對方嘅事，係會令人感到好窩心的。當你傾偈時不經意講番對方鍾意嘅食物同生活小事，係會好令人感動，所以大家約會時要專心，另外Anita都唔太建議大家漁翁撒網的。

  HK Romance Dating創辦人Anita張惠萍成日都好鼓勵客人進步，認為無論你係男定女，都能透過自身努力，吸引更多及更好嘅人。以佢自己為例，雖然佢出身於普通家庭，但憑住自己努力，而家成為Speed Dating公司老闆之餘，仲開設另一門生意，而且佢仲係幸福媽媽，而家又有第二胎喇～大家不妨參考下Anita嘅創業路丫。 Anita自細受家姐影響，好早已經有創業夢，冇父幹嘅佢，讀大學時已開始教人化妝，又為小朋友私補，實現創業路第一步。畢業後佢未即刻投身做生意，而係做咗主播，但一直未有放低創業夢想。最後參加咗次Speed Dating後，Anita除咗識到老公，仲揭開開設Speed Dating公司嘅序幕！ 佢教大家，如果你有心做好一門生意，訂立咗目標後就要盡力實現佢。假設你目標每月有100個客，到接近月尾時發現唔夠數，無論落廣告定call盡朋友,都要跑到數。你唔好諗今個月唔得就下個月再追，因為咁樣會令你越嚟越冇動力。無論大家做邊行，都要朝目標進發！ Anita開咗 Speed Dating 公司幾年後，2019年仲開設一間學習型組織公司，俾商界朋友交流。呢幾年經歷過大環境轉變，佢又變成媽媽，都一直努力做好工作。希望佢嘅經歷會激發到大家啦，如果大家單身，就把握機會參加Speed Dating，拍咗拖嘅你，則可報名參加Anita嘅心理學相關工作坊，研讀心理輔導專業嘅佢，相信可啟發大家^^

  部分單對單約會或 Speed Dating 男客人，其實真係好好仔，不過成日拍拖都拍得唔開心，好似有佢付出冇人付出咁，唔知你會唔會都有呢個問題呢？ 其實要愛得健康，大家要知道如何去平衡維持關係狀態，並唔係不斷對人好，令對方恃寵生嬌唔珍惜關係。令女生更珍惜自己、為自己付出，第一係要增加對方危機性，唔好以為你會隨傳隨到，世界只有佢一人，要好似樹熊咁攬實佢。你要好好打理自己，令對方覺得你都仲有市場嘅。 即使拍拖或結婚後，你都要有異性生活圈子。唔好以為咁代表你要四圍玩，你唔需要同其他女仔做啲咩，你個大目標只係令關係變得更健康更穩固。只要你令人覺得自己應該好很受女仔歡迎就可以喇，而唔需要見到你旁邊有很多女仔，已能增加你嘅市場價值。 拍拖前其實大家已要先做好預備，你先要有吸引力種子，向有意思嘅女仔著手。當接近成功時，唔輕易表露底牌，唔俾女生知道答案先有意思嘅。有種即若離態度，唔使一下子就俾人知道你好鍾意佢。當你將自己價值放得很低，女性會留意到，判斷你無價值。但願咁多位單對單約會同Speed Dating男客人，都可以喺情場上有進步！